विश्वकप छनोट फुटबलमा भारतसँग खेल्ने नेपाली टोलीको घोषणा
काठमाडौ, २२ फागुन । विश्वकप छनोट फुटबलमा भारतसँगको खेल्ने नेपाली टोलीको घोषणा भएको छ ।
सागर थापाको नेतृत्वमा रहेको नेपाली टोलीले भारतसँग खेल्ने अन्तिम खेलाडीहरूको नाम आज पत्रकार सम्मेलन गरी जानकारी दिइएको हो । छनौटमा परेको खेलाडीसहितको नेपाली टोली भोलि कोलकाता प्रस्थान गर्नेछ ।
सन् २०१८ को विश्वकप र २०१९ को एसियन कपको प्रारम्भीक छनोट चरणको खेलमा अब नेपालले यही फागुन २८ गते भारतको गुहाटीमा भारतसँग खेल्दैछ भने दशरथ रंगशालामा चैत तीन गते खेल्नेछ ।
छनौटमा परेका खेलाडीमा गोलरक्षक किरण चेम्जाङ, रितेश थापा र विकेश कुथू, डिफेन्डरमा अनन्त तामाङ, विराज महर्जन, दीनेश राजबंशी, रविन श्रेष्ठ, रञ्जित धिमाल, रोहित चन्द, सागर थापा, सन्दिप राई रहनु भएको छ भने मिड फिल्डरमा भोला शिलवाल, विक्रम लामा, विशाल राई बी, हेमन गुरूङ, जगजित श्रेष्ठ, राजु तामाङ,शिव श्रेष्ठ रहनु भएको छ ।
फरवार्डमा अनिल गुरुङ, जुमानु राई, सन्तोष साहुखल, भरत खवास, विमल घर्तीमगर, अन्जन विष्ट पनि छनौटमा पर्नु भएको छ ।
