गोकर्णेश्वर ४ माकलबारी बागमती करिडोर क्षेत्रमा  सरसफाई

कपन अनलाइन

काठमाडौं, श्रावण ३१। गोकर्णेश्वर नगरपालिका वडा नं ४ माकलबारी बागमती करिडोर क्षेत्रमा शनिबार  सरसफाई गरिएको छ ।वडालाई स्वच्छ र सुन्दर बनाउने उदेश्य सहित गोकर्णेश्वर नगरपालिका वडा नं ४ को आयोजना  भएको सो कार्यक्रममा स्थानिय क्लव, लयन्स क्लव, महिला समूह, बस ब्यवसायी , टोल सुधार समिती, बिपद ब्यवस्थापन समिती, अनुगमन समिति, महानगरिय प्रहरी प्रभाग गोकर्ण, मकलबारी प्रहरी बिट  सहित् स्थानियहरुको सहभागितामा  रहेको  थियो ।

फोहोर बाट निम्तिन सक्ने स्वास्थ्य जोखिम न्यूनीकरण गर्न र मानिसहरुलाई सरसफाइ सम्बन्धि जनचेतना जगाई सरसफाइमा उत्प्रेरणा जगाउने उदेश्य सहित सरसफाई कार्यक्रम आयोजना गरिएको वडा अध्यक्ष श्रीकुमार श्रेष्ठले जानकारी गराए । उनले अभियान नै संचालन गरि  वडाका  बिभिन्न क्षेत्रमा नियमित रुपले सरसफाई  गर्दै आएको सोहि अनुरुप शनिबार माकलबारी  करिडोरमा सरसफाई गरिएको जानकारी गराएका छन ।

सफा वडा नै आफनो पहिचान, परिचय अनि सभ्यता  संग गासिएकोले आफनो वडालाइ  सभ्य र सफा वडा वनाउन सबैजना जुट्नुपर्नेमा जोड दिएका छन् ।सरसफाई अभियान अन्तरगत नाली सफा गर्नु को साथै बाटोमा जथाभावी फ्याकिएका प्लास्टिक तथा सिसाजन्य फोहोर संकलन र झाडीहरु समेत फाडीएको थियो ।