गाम्चामा २५ करोडको लागतमा नयाँ क्रिकेट स्टेडियम सिलान्यास (फोटो कथा )

१७ फाल्गुन २०७१, आईतवार

नेपाली खेलकुद क्षेत्रमा क्रिकेट खेलले देखाइरहेको उन्नत दर्जाको कुशलतालाई मध्य नजर राख्दै यो क्षेत्रको विकासमा बिभिन्न किसिमको प्रयास हुन थालेको छ । यही परिप्रेक्षमा नेपाली राजनीतिका चर्चित व्यक्ति सुवर्ण समसेर राणाको स्मृतिमा आगामी तीनवर्षमा तयारी हुने गरी राजधानीको गाम्चामा एक सुविधासम्पन्न क्रिकेट स्टेडियमको आज सिलान्यास भएको छ ।

प्रधानमन्त्रि सुशील कोइरालाले आज एक कार्यक्रमका बीच स्टेडियमको सिलान्यास गरेका हुन् । बुढानीलकण्ठ नगरपालिका वडा नं. ३ मा रहेको गाम्चा भन्ने ठाउँमा स्वर्गीय सुवर्ण समसेर स्मृति प्रतिष्ठानले करिब २५ करोडको लागतमा यो स्टेडियम निर्माण गर्न लागेको हो ।

नेपाली कांग्रेशका संस्थापक नेतासमेत रहेका स्वर्गीय सुवर्ण समसेरको स्मृतिमा बन्न लागेको स्टेडियमले ९५ रोपनी जग्गा ओगट्ने छ । कार्यक्रममा नेपाली राष्टिय क्रिकेट टोलीका कप्तान पारस खड्का, सभासद गगन थापालगायतका व्यक्तिहरुले नेपाली क्रिकेटको भविष्य र स्टेडियमको महत्वको बारेमा बोलेका थिए ।

हेर्नुहोस कार्यक्रमको फोटोहरु