ओखलढुंगामा मादक पदार्थ सेवन गरेका दुई पुरुषबिच कुटपिट हुदाँ एक जनाको मृत्यु

कपन अनलाइन

ओखलढुंगा ,साउन २८।

ओखलढुंगा  जिल्लामा मंगलबार राती दुई पुरुषबिच कुटपिट  हुदाँ एक जनाको मृत्यु भएको  छ । ओखलढुंगाको  सिद्धिचरण नगरपालिका वडा नं  ५ बिप्लाटेमा दूई जना विच कुटपिट हुँदा  स्थानिय पासाङ तेन्जी शेर्पाको ज्यान गएको हो ।

मादक पदार्थ सेवन गरेर  मृतक शेर्पा र देउरालीका ६३ बर्षीय आङ्गुबु शेर्पाबीच कुटपिट हुदाँ ४२ बर्षिय पासाङ तेन्जीको मृत्यु भएको जिल्ला प्रहरी कार्यलय ओखलढुंगाले जानकारी दिएको छ।घटनामा परेर  घाईते भएकाआङ्गुबु शेर्पाको ओखलढुंगामा सामुदायीक अस्पतालमा उपचार भैरहेको छ ।

मध्येरात करिब १ बजेको समयमा र्दुइ पक्षबिच कुटपिट भएको थियो । घटनामा गम्भिर घाईते भएका शेर्पाको ओखलढुंगा सामुदायीक अस्पतालमा उपचारका क्रममा ज्यान भएको जिल्ला प्रहरी कार्यलय ओखलढुंगाका प्रमुख प्रहरी नायव उपरिक्षक गोबिन्दराज काफ्लेले जानकारी दिएका छन  ।

घटनाको बिषयमा थप अनुसन्धान भैरहेको प्रहरीको भनाई छ ।