नेकपा एमाले काठमाण्डौ जिल्ला कमिटीको कार्यालय सचिवमा बिदुर विक्रम खडका
कपन अनलाइन
सिन्धुपाल्चोक ,साउन १७।
नेकपा एमाले काठमाण्डौ जिल्ला कमिटीको कार्यालय सचिवमा बिदुर विक्रम खडका चयन भएका छन। नेकपा एमाले काठमाण्डौ जिल्ला कमिटीको साउन १६ गते बसेको बैठकले खडकालाई कार्यालय सचिवमा चयन गर्ने निर्णय गरेको हो।
नेकपा एमाले काठमाण्डौ जिल्ला कमिटीमा लामो समय देखि क्रियाशील रहेका खडकाले गणेश मावी बुढानिलकण्ठको स्ववियु सभापतिमा निर्वाचित भए संगै सक्रिय राजनीति शुरु गरेका थिए।
बुढानिलकण्ठ नगरपालिकामा नेकपा एमालेको तर्फ बाट पार्टी प्रतिनिधि हुँदा बिदुर बेग को उपमा पाएका खडकाले अव नेकपा एमाले काठमाण्डौ जिल्ला कमिटीको दैनिक गतिविधि र क्रियाकलापहरुको संयोजन गर्नेछन।
सामाजिक संजालमा आक्रामक अभिव्यक्ति दिएर बेला बेलामा चर्चामा आउने गरेका खडकाले नेकपा एमालेको शाखा,इलाका ,क्षेत्र हुदै जिल्ला कमिटीको सचिवालय सदस्यका रुपमा योगदान पुर्याएका छन।
