गाम्चा-कौडोल सडक भत्कियो

कपन अनलाइन

काठमाण्डौ ,असार ३०।

बुढानिलकण्ठ नगरपालिका वडा नं १३ सुवर्ण शमशेर क्रिकेट मैदानमा रहेको गाम्चा-कौडोल सडक भत्किएको छ। सो स्थानमा निर्माण भएको पर्खाल भत्केर करिव ३५ मिटर जति सडक भासिएको स्थानीयहरुले बताएका छन।

सो स्थानमा लाखौ रुपैयाको लागतमा निर्माण गरिएको पर्खाल भत्केर सडक भासिदा पुरै सडकमा असर हुने जोखिम देखिएको छ। सो सडक कालोपत्रे भए पनि साइड ड्रेन , पानीको निकास र अन्य संरचना सम्पन्न नहुँदा सो क्षेत्रका अन्य स्थान पनि जोखिममा रहेका छन।