मेलम्ची नगरपालिकाका प्रमुखको गाडी तोडफोड
कपन अनलाइन
काठमाडौं, असार ८।
मेलम्ची नगरपालिकाका प्रमुख डम्बर प्रसाद अर्याल चढ्ने नगरपालिकाको गाडी तोडफोड भएको छ । मेलम्ची बाढीपीडितहरुले पीडितका पक्षमा प्रभावकारी ढङ्गले काम नगरेको भन्दै पीडितहरुले मेयर सवार गाडी तोडफोड गरेका हुन् ।
नगरपालिकाको स्वामित्वमा रहेको बा २ झ १६५० नम्बरको स्र्कापिर्यो पीडितले तोडफोड गरेका हुन् । मेलम्ची बाढीपीडित युवा धर्म दुलाललाई करेन्ट लागेर मृत्यु भएकाे विषयमा मेयर अर्यालले कुनै पनि प्रभावकारी भूमिका नखेलेको भन्दै पीडितले उनि सवार गाडी फुटाएको बताइएको छ ।
मेलम्ची बाढीले भुइँमा ढलेको बिजुलीको तारमा विद्युत प्रवाह गरेका कारण मेलम्चीका एक बाढीपीडित युवाको निधन भएको थियो । सो विषयमा मेयर अर्याल जिम्मेवार नदेखिएपछि गाडीलाई तोडफोड गरेको पीडितहरुले जनाएका छन् । यस विषयमा इलाका प्रहरी चौकीले अनुसन्धान गरिरहेको छ ।साभार : गोरखापत्र अनलाइन
