काठमाण्डौ क्षेत्र नं ५ का विकास योजना निरीक्षणमा महासचिव ईश्वर पोखरेल
कपन अनलाइन
काठमाण्डौ ,जेष्ठ २४।
नेकपा एमालेका महासचिव ईश्वर पोखरेलले काठमान्डौ क्षेत्र नं ५ मा रहेको बुढानिलकण्ठ नगरपालिका वडा नं ४ र ६ मा निर्माण भैरहेका विभिन्न विकास योजनाहरुको निरीक्षण गरेका छन।
पोखरेलले सो अवसरमा वडा नं ४ काे कार्यालय अगाडि देखि कपुरचाेक – गाेरखाली पुलसम्मकाे सडक कालोपत्रे योजना सहित अन्य स्थानका विकास योजनाहरुको निरीक्षण गरेका थिए।
काठमाण्डौ क्षेत्र नं ५ का १५ वटै वडाहरुमा भैरहेका योजनाहरुको निरिक्षण गर्ने क्रममा बुढानिलकण्ठ पुगेका महासचिव पोखरेलले सो अवसरमा स्थानीयहरु संग अन्तरक्रिया समेत गरेका थिए।
उक्त निरीक्षणमा नेकपा एमाले बुढानिलकण्ठका अध्यक्ष प्रदिप डंगोल,बुढानिलकण्ठ नगरपालिका वडा नं ६ का अध्यक्ष नबिन केसी , सदस्य नानु खड्का श्रेष्ठ , नेकपा वडा नं ४ की अध्यक्ष कमला पन्त, मदन भण्डारी फाउन्डेसन बुढानिलकण्ठका अध्यक्ष कैलाश खड्का लगायतको उपस्थिति रहेको थियो ।
