महामारीको विषम समयमा शव ब्यवस्थापन गर्दै नेपाल स्काउट बागमती प्रदेश

कपन अनलाइन

काठमाण्डौ ,जेष्ठ २०।

नेपाल स्काउट बागमती प्रदेशले कोरोना संक्रमणका कारण निधन भएकाहरुको  शव ब्यवस्थापन कार्य शुरु  गरेको छ ।

नेपाल स्काउट बागमती प्रदेशका संयोजक केशरत्न बज्राचार्य सहितको टोलीले  कोभिड संक्रमण भई ग्राण्डी अस्पतालमा उपचाररत ५८ बर्षे पुरुषको शव व्यवस्थापन गरेको छ । मृत्यु पश्चात  कोरोना नेगेटिभ देखिएको अस्पतालले जानकारी दिएपछि मृतकका परिवारजनमा कोभिडको त्रास भएकाले नेपाल स्काउटको टोलीले शव व्यवथापन गरेको हो  ।

बिगत २ साता देखी ननकोभिड बिमारीहरूलाई एम्बुलेन्स सेवा दिदै आएको तालिम प्राप्त टोलीले जेष्ठ १९ गते देखि  शव व्यवथापनको कार्य पनि शुरु गरेको र आबश्यक परेमा कोभिड -१९ संक्रमितको शव व्यवथापनमा समेत तयारी रहेको टोली नेता बज्राचार्यले बताएका छन  ।

नेपाल स्काउटले नेपालमा कोरोना नियंत्रण र  रोकथामका लागि राहत र शव व्यवस्थापन,परिक्षण स्थलमा स्वयंसेवा सहित विभिन्न सचेतना मुलक अभियानहरु संचालन गर्दै आइरहेको छ ।