बुढानिलकण्ठ नगरपालिकालाई संघीय सरकारको ५८ करोड ,गतवर्ष भन्दा १ करोड ८९ लाख बढी
कपन अनलाइन
काठमाण्डौ ,जेष्ठ १७।
बुढानीलकण्ठ नगरपालिकामा आगामी आर्थिक वर्ष २०७८/७९ को लागी ५८ करोड २ लाख रुपैयाँ बजेट विनियोजन भएको छ ।
नेपाल सरकारबाट शनिबार सार्वजनिक गरीएको नयाँ बजेटमा बूढानीलकण्ठ नगरपालिकाको निति तथा कार्यक्रम कार्यन्वयन गर्नका लागि चालु खर्च ५० करोड ३६ लाख र पूँजीगततर्फ ७ करोड ६६ लाख निर्धारण भएको छ ।
जसमध्य बूढानीलकण्ठ नगरपालिकामा वित्तिय समानीकरण अनुदान शिर्षकमा २७ करोड ८३ लाख रहेको छ । यस शिर्षक अन्तर्गत ‘न्युनतम अनुदान’ ५ करोड , ‘सुत्रमा आधारीत अनुदान’ २२ करोड ३५ लाख , ‘कार्य सम्पादनमा आधारीतअनुदान’ ४८ लाख रहेको छ ।
यस्तै सशर्त अनुदानको चालु खर्च २२ करोड ५३ लाख र पुँजीगत खर्च ६ करोड गरी कुल २७ करोड ५३ लाख छुट्याइएको छ ।
सरकारले २०७८\७९ को लागि थप शिर्षकविशेष अनुदानमार्फत पनि बजेट निर्धारण गरेको छ । विशेष अनुदानको पुँजिगत खर्चमा १ करोड ६६ लाख निर्धारण भएको छ ।
बूढानीलकण्ठ नगरपालिकामा चालु आर्थिक वर्ष २०७७\७८ लागि ५६ करोड १३ लाख विनियोजन भएको थियो जस अन्तर्गत समानीकरण अनुदानमा २६ करोड ३ लाख र सशर्त अनुदान ३० करोड १० लाख रहेको थियो । आगामी वर्षका लागि सार्वजनिक भएको बजेट अघिल्लो वर्षभन्दा १ करोड ८९ लाखले बढी हो ।
आर्थिक बर्ष २०७८\७९ को बजेटमा ७ प्रदेशमा १ खर्ब ३ अर्ब ७० करोड र ७५३ स्थानीय तहमा २ खर्ब ८३ अर्ब १ करोड हस्तान्तरण गरिएको छ ।
