बुढानिलकण्ठ नगरपालिकामा बिएमसिए आइसोलेसन केन्द्र तयार

कपन अनलाइन

काठमाण्डौ ,बैशाख २२।

बुढानिलकण्ठ नगरपालिका वडा नं २ मा रहेको बिएमसिए आइसोलेसन केन्द्र तयार भएको छ। वडा नं २ मा रहेको सो आइसोलेसन केन्द्रमा २५ बेड रहेका छन ।

कोरोना प्रकोपको पहिलो चरणमा तयार गरिएको आइसोलेसन केन्द्रमा आवस्यक सामाग्री ,जनशक्ति र अन्य प्राविधिक पक्षहरुलाई तयार पारेर भोलि बाट शुरु केन्द्र शुरु गरिने नगरालिकाले जानकारी दिएको छ।

आवस्यक स्वास्थ्य कर्मचारीको व्यवस्था सहित  तयारी गरिएको सो केन्द्रमा आवस्यक परेको अवस्थामा अझै थप्न सकिने बताउदै नगरपालिकाले बुढानिलकण्ठ -१० को नगर अस्पताल निर्माण भैरहेको स्थानमा अर्को आइसोलेसन केन्द्र स्थापना गरिने जानकारी दिएको छ।

हाललाई नगर स्वास्थ्य शाखा अन्तर्गत रहेका कर्मचारीहरुलाई परिचालन गरेको नगरपालिकाले थप जनशक्तिका लागि करारमा नियुक्तिका लागि आवेदन माग गरेको छ ।