मंगलम उद्योगको कारखानामा भएको आगलागी
कपन अनलाइन
काठमाण्डौ ,बैशाख १८ ।
नेपालको पहिलो CPVC पाइप र फिटिंगस् उत्पादक तथा नेपालको पोलीमर पाइपिंग प्रणालीका अग्रणी उत्पादक र निर्यातकर्ता मंगलम उद्योग प्रा.लि.को सिदार्थ नगर कारखानामा आगलागीे भएको छ।
बिहान १० बजे नजिकैको मैदानमा पराल जलेको कारण आगो शुरू भएको आगलागीमा करिब ५ देखि ७ करोड सम्मको उत्पादन र गोदाम शेडमा क्षति पुगेको छ।
मंगलम उद्योग प्राइवेट लिमिटेडका प्रबन्ध निर्देशक अभिनव चुरीवालले उद्योगमा रहेका सामग्री लगायतका विभिन्न संरचनाहरू आगलागीबाट क्षतिग्रस्त भएको जानकारी दिएका छन ।
तरफायर प्रोटोकलहरू पालनाले क्षति केही हदसम्म कम भएको र दुर्घटनाको क्रममा कोही पनि घाइते नभएको बताउदै उनले सिद्धार्थ नगरपालिकाको फायर ब्रिगेड टीम, नेपाल पुलिस, नेपाली सेना र स्थानीय अधिकारीहरूको सहयोगमा आगलागी नियन्त्रण गरिएको जानकारी दिएका छन।
त्यस्तै सिद्धार्थ नगर कारखानाकाप्रमुख प्रदीप शुक्लाले आगलागी हुँदा सबै सुरक्षा अभ्यास र आपतकालिन विधिहरू विधिवत पालना गरिएको बताउदै नियमित अग्निसुरक्षा अभ्यासहरुका कारण आगो नियन्त्रण गर्न र बाँकी सुविधालाई बचाउन सकेको जानकारी दिएका छन।
