बुढानिलकण्ठका विकास योजना निरीक्षणमा डा. राजन भट्टराई

कपन अनलाइन

काठमाण्डौ ,चैत्र २८।

नेकपा एमालेका केन्द्रीय सदस्य तथा प्रधानमन्त्रीका विदेस मामिला सल्लाहकार डा. राजन भट्टराईले बुढानिलकण्ठ नगरपालिका वडा नं ११ र १२ का विकास योजनाहरुको निरीक्षण गरेका छन।

बुढानिलकण्ठ नगरपालिका वडा नं ११ को आगमन टोलमा निर्माण भैरहेको सडक ढलान र वडा नं १२ को सरस्वति मार्ग सडक निर्माणको निरीक्षण गर्दै डा. भट्टराईले निर्माण अवस्थाका वारेमा जानकारी लिएका थिए।

नेकपा एमाले काठमाण्डौ जिल्ला कमिटी सदस्य मिठाराम अधिकारी ,बुढानिलकण्ठ नगर कमिटी अध्यक्ष प्रदिप डंगोल ,नेकपा एमालेका बुद्दी नगरकोटी ,कंचन बास्तोला ,विष्णु पौडेल सहित ति योजना निरीक्षण पश्चात उनले कपनमा रहेको डुवान समस्याका वारेमा पनि स्थानीयहरु संग छलफल गरेका थिए।

विकास योजना निरीक्षणका क्रममा वडा नं १२ को नवदुर्गा माइक्रो पार्क क्षेत्रमा पुगेका डा. भट्टराईले डुवान समस्या समाधानका लागि केहि दिनमा नै टेन्डर खोलेर निर्माण प्रक्रिया अगाडी बढ्ने जानकारी दिदै दिगो र प्रभावकारी बनाउन स्थानीयहरुको सक्रिय भूमिका हुने धारणा राखेका थिए।