गोकर्णेश्वर नगरपालिकामा ब्याडमिन्टन खेलाडी सम्मानित

कपन अनलाइन

काठमाडौं, चैत्र २१।गोकर्णेश्वर नगरपालिकाले खुल्ला ब्याडमिन्टन प्रतियोगितामा बिजेता हुने दुई खेलाडीलाई  सम्मान गरेको छ । शनिबार गोकर्णेश्वरनगरपालिकाको पिस ब्यान्केटमा  साल्पासिलिछो गाउँपालिका भोजपुर द्वारा मिति २०७७-१२-८ देखि १३ सम्म आयोजित खुल्ला  प्रतियोगितामा गोकर्णेश्वर नगरपालिकाबाट राजन श्रेष्ठ र डम्बर बहादुर तामाङको जोडि सहभागी भइ तृतीय स्थान हात पार्न सफल भएको टोलिलाई गोकर्णश्वोर नगर प्रमुख सन्तोष चालिसे ,उपप्रमुख शान्ति नेपाल लगायतले  सम्मान गरेको हो ।

उक्त कार्यक्रममा गोकर्णेश्वरनगरपालिका   वडा न १ का वडा अध्यक्ष राम मानन्धर, नेपाली काङ्ग्रेस गोकर्णेश्वर नगर समितिका सभापति श्रीकृष्ण ज्योती र नगर खेलकुद विकास समितिका अध्यक्ष सन्जय लामा , नगर ब्याडमिन्टन संयोजन सरोज पुडासैनी लगायत खेल प्रेमी दर्शक र खेलाडीको उपस्थिति रहेको थियो   । नगरपालिकाले खेलकुदको विकासको लागि  खेलकुद  समिति गठन गरेर नै बिभिन्न प्रतियोगिता आयोजना गरि उत्कृष्ट खेलाडी उत्पादन  संगै  बिभिन्न प्रतियोगितामा सहभागिता जनाउदै आएको छ ।

खेलाडीलाइ सम्मान गर्दै नगर प्रमुख सन्तोष चालिसेले खेलाडीमा थप हौसला बढोस् भनेर सम्मान गरेको बताए ।साथै उनले नगरपालिकाले कुनै पनि राष्ट्रिय तथा अन्तर्राष्ट्रिय प्रतियोगितामा  सहभागी हुने नगरबासी खेलाडीलाइ नगरपालिकाले सहयोग गर्दै आएको पनि बताएका  थिए।

कार्यक्रममा नगर उप प्रमुख शान्ती नेपालले विजयी खेलाडीलाई बधाई दिदै खेलमा बिजयी हुनुले सुखद हुनु सगै जित संगै  धेरै कुरा  सिक्नु पनि उत्तिकै महत्वपूर्ण रहेको उल्लेख गर्दै नगरपालिकालाई राष्ट्रिय स्तरमा चिनाउन  खेलाडीले गरेको योगदानको प्रसंशा गरेकी थिइन। उनले   नगरपालिकाले खेलाडी र खेलकुद्लाई अगाडी बढाउन धेरै कार्यक्रम गरिरहेको बताएकी  थिइन ।

कार्यक्रमलाइ सम्बोधन गर्दै नगरपालिका खेलकुद संयोजक संजय लामाले खेलाडीको  उत्थानको लागी नगर खेलकुद समितिले विविध गतिविधि जारी राख्ने बताएका थिए।