भद्रबासको श्री आदर्श मा. बि को नयाँ भवन नगर प्रमुख कृष्णहरि थापा द्वारा शिलान्यास
कपन अनलाइन
काठमाडौं चैत्र १८। कागेश्वरी मनोहरा नगरपालिका वडा नं.३ भद्रबासमा रहेको श्री आदर्श माध्यमिक विद्यालयको प्रशासनिक नयाँ भवनको मंगलबार शिलान्यास गरिएको छ ।कागेश्वरी मनोहरा नगरपालिकाका नगर प्रमुख कृष्णहरि थापाले भद्रबासमा रहेको श्री आदर्श माध्यमिक विद्यालयको नयाँ प्रशासनिक भवनको एक कार्यक्रमका बीच भुमिपुजन सहित शिलान्यास गरेका हुन् । बिध्यालय सुधार बहु बर्षे गुरुयोजना अन्तर्गत निर्माणाधीन प्रशासनिक भवनको उनले शिलान्यास गरेका हुन।
उक्त कार्यक्रममा कागेश्वरी मनोहरा नगरपालिका वडा नं.३ का वडा अध्यक्ष राममणी पुडासैनी लगायत विद्यालय व्यवस्थापन समितिका पदाधिकारीहरु, शिक्षकहरु र स्थानीय बासिन्दाहरुको सहभागिता रहेको थियो । उक्त कार्यक्रमलाई सम्बोधन गर्दै नगर प्रमुख थापाले नगरपालिकाले शिक्षा र स्वास्थ्य क्षेत्रलाई विशेष प्राथमिकता दिएर कार्य गरिरहेको बताएका थिए ।
नगरपालिकाले शिक्षा र स्वास्थ्यको साथ साथै पूर्वाधार विकास, सामाजिक विकास, आर्थिक विकास, रोजगारी सिर्जना लगायतका क्षेत्रलाई पनी प्राथमिकता दिएको नगर प्रमुख थापाको भनाई रहेको थियो थियो ।विद्यालयको भवन निर्माण पछी पठन पाठन र विद्यालयबाट हुने नियमित कार्यहरु सञ्चालन गर्न सहज हुने नगर प्रमुख थापाले विश्वास व्यक्त गरेका थिए ।
