गोकर्णेश्वर महादेव मन्दिरमा आध्यात्मिक प्रवचन हुने

कपन अनलाइन 

काठमाडौं फागुन २६ गोकर्णेश्वर  नगरपालिका वडा नं  ४ मा रहेको गोकर्णेश्वर महादेव मन्दिरमाआध्यात्मिक प्रवचन हुने भएको छ । फागुन  २७ गते महाशिवरात्री पर्वको अवसरमा गोकर्णेश्वर महादेव मन्दिर क्षेत्र प्रवन्ध समिति र धार्मिक तथा आध्यात्मिक सद्भावना दूतको संयुक्त आयोजनामा आध्यात्मिक प्रवचन कार्यक्रम आयोजना गरेको  हो।महाशिवरात्रीका दिन विहानै देखि राति अवेरसम्म दर्शनार्थी र व्रतालुहरुको बाक्लो उपस्थिति रहने  गोकर्णेश्वर महादेव मन्दिर मुक्ति मण्डपमा दिनको १ बजे देखि शुरु हुने उक्त कार्यक्रममा सहभागी हुनको लागि आयोजकले अनुरोध गरेको छ ।

शिवजी उत्पत्ति भएको रातका नामबाट नामकरण भएको यो पर्व कालरात्री मोहरात्री, सुखरात्री र शिवरात्री नामक चार प्रमुख रात्री मध्ये एक पवित्र पर्वका रूपमा पुराणहरूमा वर्णित छ। फागुन कृष्ण चतुर्दशीका दिन मनाइने यस पर्वलाई सम्पूर्ण दीनदुःखी र कष्टपूर्ण अवस्थामा रहेका प्राणीहरूको हृदयमा धर्मको उदय गराउने आशुतोष भगवान् शिवको अति प्यारो दिनका रूपमा पनि लिइने गरिन्छ।व्रतोत्सवरूमध्ये सर्वोत्तम कहलिएको महाशिवरात्रिका दिन विशेषतः भक्तजनहरूले शुद्ध भई शिव मन्दिरमा पूजा–अर्चना गरी व्रत बस्ने र भगवान् शिवको प्रिय वस्तु दूध धतुरो र बेलपत्र चढाउने गर्छन ।