सरकार र नेत्रविक्रम चन्द ‘विप्लव’ को वार्ता टोली बीच पहिलो चरणको वार्ता सम्पन्न

काठमाडौँ,फागुन १९ ।

सरकार र नेत्रविक्रम चन्द ‘विप्लव’ को वार्ता टोलीबीचको पहिलो चरणको वार्ता सकिएको छ । उच्च स्रोतका अनुसार आज बिहान प्रधानमन्त्री निवास बालुवाटारमा वार्ता भएको हो ।

वार्ताका लागि गृहमन्त्री रामबहादुर थापा ‘बादल’ र विप्लव समूहका नेता खड्गबहादुर विश्वकर्मा ‘प्रकाण्ड’समेत बालुवाटार पुगेका थिए ।

विप्लव समूहको वार्ता टोली मंगलबार (हिजो) नै काठमाडौं आइपुगेको थियो । वार्तामा के–के भयो खुलाइएको छैन । दुई समूहबीच निरन्तर छलफल जारी राख्ने सहमति भएको बताइएको छ । सरकारले ०७५ फागुन २८ गते विप्लव समूहमाथि प्रतिबन्ध लगाएको थियो ।