दक्षिणढोका उत्थान युवा क्लब द्वारा आयोजित तेस्रो लाक्पा स्मृति कप फुटसल प्रतियोगिता सम्पन्न
कपन अनलाइन
काठमाडौं फागुन १६ ।दक्षिणढोका उत्थान युवा क्लब द्वारा आयोजित तेस्रो लाक्पा स्मृति कप फुटसल प्रतियोगिता२०७७ सम्पन्न भएको छ। शनिबार गोकर्णेश्वर नगरपालिका ७ को आर्थिक सहयोगमा मनकामना फुटसलमा भएको सो प्रतियोगिताको उपाधि हरिसिद्धि फुटसलले जितेको छ।
आयोजनामा गोकर्णेश्वर नगरपालिका वडा नं ७ मनकामना फुटसलमा भएको एक दिने सो प्रतियोगितामा कुल २८ ओटा टिमको सहभागिता रहेको थियो। गोकर्णेश्वर नगरपालिकाकी उप प्रमुख शान्ती नेपाल र गोकर्णेश्वर नगरपालिका वडा नं ७ का वडा अध्यक्ष केशब गुरुङले संयुक्त रुपमा उदघाटन गरेको सो प्रतियोगिताको उपाधि हरिसिद्धि फुटसलले जितेको छ। फाइनलमा हरिसिद्धि फुटसलले आयोजक दक्षिणढोका उत्थान युवा क्लब ए लाइ ३-० गोल अन्तरले पराजित गर्दै उपाधि माथि कब्जा जनाएको हो।
जित संगै हरिसिद्धि फुटसलले नगद रु ५० हजारको साथै ट्रफी मेडल र प्रामाण पत्र प्राप्त गरेको छ भने उप बिजेता दक्षिणढोका उत्थान युवा क्लब ए ले नगद रु २५ हजार संगै ट्रफी मेडल र प्रमाण पत्र प्राप्त गरेको छ । त्यसै गरि प्रतियोगितामा उत्कृष्ट गोलरक्षक दक्षिणढोका उत्थान युवा क्लब एका सन्जिब लामा घोषित भए भने उत्कृष्ट खेलाडीको रुपमा हरिसिद्धि फुटसलका कप्तान सन्दिप कार्की घोसित भए उत्कृष्ट खेलाडीहरुलाई नगद रु ५ हजार सहित ट्रफी मेडल र प्रमाण पत्र प्रदान गरिएको थियो। बिजयी खेलाडीहरुलाई गोकर्णेश्वर खेलकुद समितिका अध्यक्ष संजय लामाले पुरस्कार वितरण गरेका थिए ।