नेपाल कम्युनिस्ट पार्टी काठमाडौं क्षेत्र नं २ को संयोजकमा कृष्ण बजगाई (सृजन शर्मा )

कपन अनलाइन

काठमाडौं ,फागुन ११।

नेपाल कम्युनिस्ट पार्टी काठमाडौं क्षेत्र नं २ मा  संयोजकको जिम्मेवारी कृष्ण बजगाई (सृजन शर्मा ) ले प्राप्त गरेका छन।नेकपा केन्द्रीय सदस्य तथा काठमाडौं जिल्ला अध्यक्ष कृष्ण राईको अध्यक्षतामा बसेको बैठकले जिल्लाका १० निर्वाचन क्षेत्रका संयोजक चयन गरेको थियो।

शंखरापुर नगरपालिका वडा नं १ मा बस्दै आएका बजगाई शाखा ,इलाका ,विशेष जिल्ला कमिटी हुदै नेकपा काठमाडौं जिल्ला कमिटीको सदस्य बनेका थिए।

काठमाडौं महानगरपालिका ,कागेश्वरी मनोहरा नगरपालिका र शंखरापुर नगरपालिकाका विभिन्न वडाहरु रहेको काठमाडौं क्षेत्र नं २ को नेतृत्व गर्ने जिम्मेवारी पाएका बजगाई अनेरास्ववियु काठमाडौं पूर्वी क्षेत्रीय कमिटीको संस्थापक सदस्य समेत हुन्।