कागेश्वरी- १ गागलफेदीमा कागेश्वरी तेक्वान्दो डोजाङ उद्घाटन
कपन अनलाइन
काठमाडौं, फागुन ९। कागेश्वरी मनोहरा नगरपालिका वडानं १ गागलफेदीमा कागेश्वरी तेक्वान्दो डोजाङ उद्घाटन भएको छ ।शनिबार एक कार्यक्रमकाबीच कागेश्वरी मनोहरा नगरपालिकाका प्रमुख कृष्णहरि थापाले डोजाङको उद्घाटन गरेका थिए ।उक्त अवसरमा खेल पत्रकारिताको तर्फबाट तेक्वान्दो खेलको विकासमा पुर्राएको योगदानको उच्च मूल्यांकन गर्दै खेल पत्रकार अन्जन खड्कालाई सम्मान गरिएको थियो ।
यस्तै नेप्लिज तेक्वान्दो एकेडेमीबाट हालसम्म क्लब बेल्ट फस्ट डान, सेकेण्ड डान र थर्ड डान लिने २२ खेलाडीलाई पनि सम्मान गरिएको थियो ।कार्यक्रममा तेक्वान्दो खेलका विदेशी प्रशिक्षक क्वान यङ डाल समेत सम्मानित भए ।कार्यक्रमको सभापतित्व काठमाडौं जिल्ला तेक्वान्दो कार्यसमितिका अध्यक्ष एवम अन्तर्राष्ट्रिय निर्णायक अशोक खड्काले गरेका थिए ।
कार्यक्रममा कागेश्वरी मनोहरा नगरपालिका वडा नं १ का वडा अध्यक्ष मकुन्द प्रसाद गजुरेल सहित खेलप्रेमी दर्शकहरुको उपस्थिति रहेको थियो । कार्यक्रम तेक्वान्दो खेलाड़ीहरुले खेलको डेमोस्ट्रेसन समेत देखाएका थिए ।
