पाँचौं प्याब्सक फुटसल प्रतियोगिताको उपाधि विनायकलाई

कपन अनलाइन

काठमाडौं ,फागुन ८।
डिफेन्डिङ च्याम्पियन विनायक सेकेण्डरी  स्कुलले पाँचौं प्याब्सक फुटसल प्रतियोगिताको उपाधि  जितेको छ ।
कपनस्थित ग्रिन विस फुटसलमा भएको फाइनलमा विनायकले माउन्ट ग्लोरीलाई ३–२ गोलले पराजित गर्दै उपाधि रक्षा रक्षा गरेको थियो  ।  फाइनल खेलमा  विनायकका सचिन राईले २ तथा नितिश सहनीले १ गोल गरेका थिए भने  ग्लोरीका  एलेक्स पौडेल र दावा शेर्पाले १–१ गोल फर्काएका थिए  ।
निजी तथा आवसीय विद्यालय संगठन काठमाडौं (प्याब्सक) द्वारा आयोजित प्रतियोगितामा विट्स एकेडेमीले त्रिनेत्रलाई ४–२ गोलले हराउदै तेश्रो भएको थियो। शीर्ष तीन स्थान हात पार्ने टोलीले क्रमशः १० हजार, ७ हजार र ५ हजार नगद पुरस्कार प्राप्त गरेका थिए भने  सान्त्वना पुरस्कार स्वरुप त्रिनेत्रलाई ३ हजार नगद पुरस्कार दिईएको थियो  ।
प्रतियोगितामा ग्लोरीका सञ्जय लामा उत्कृष्ट खेलाडी घोषित भए भने  विनायकका युवराज गोर्खाली उत्कृष्ट गोलरक्षक चुनिएका थिए  । प्रतियोगिताभर समान ७–७ गोल गरेका विट्सका लक्ष्मण मगर र त्रिनेत्रका निकानोर गुरुङ सर्वाधिक गोलकर्ता बने । उत्कृष्ट खेलाडीलाई बूढानीलकण्ठ नगरपालिकाका प्रवक्ता एवं वडा १० का अध्यक्ष नवराज भट्टराईद्वारा प्रायोजित खेल सामाग्री प्रोत्साहन स्वरुप प्रदान गरियो । केभीएसले अनुशासित टिमको उपाधि हात पा¥यो ।
विजेतालाई उद्योग, वाणिज्य तथा आपूर्ति राज्यमन्त्री विमला विक, प्याब्सकका अध्यक्ष गेन्द्र लामा, महासचिव राजन श्रेष्ठलगायतले एक कार्यक्रमबीच पुरस्कृत गरे ।
तीनदिने प्रतियोगितामा ३२ छात्र टिमले लिग कम नकआउट आधारमा प्रतिस्पर्धा गरेका थिए ।