वासिकु क्लब बुढानिलकण्ठ २ ले फाल्गुन ८ गते बृहत रक्तदान गर्ने

कपन अनलाइन

काठमाडौं, माघ २९ । बुढानिलकण्ठ नगरपालिका वडा नं २ मा रहेको वासिकु क्लब ले रक्तदान जीवनदान भन्ने मूल नाराको साथमा  बृहत रक्तदान कार्यक्रम आयोजना गर्ने भएको छ। बुढानिलकण्ठ नगरपालिका वडा नं २ वासिकुमा २०७७ साल फाल्गुन ८ गते  शनिबार प्रजातन्त्र दिवसको  सन्धर्भ पारेर बिहान  ९:३० बजे देखि २:३० बजे सम्म सुरक्षित तवरले  रक्तदान कार्यक्रम आयोजना गर्न लागिएको क्लबका अध्यक्ष विकास श्रेष्ठले जानकारी गराएका छन ।

केही थोपा रगत दिएर कसैको जीवन बचाउन सकियो भने त्यो नै सवैभन्दा ठूलो सेवा  हुने भन्दै उनले रक्तदान गर्नु पुण्यको काम भएको बताए।  रक्तदान गर्नाले अन्य व्यक्तिको जीवनमात्र बच्दैन, रक्तदान गर्ने व्यक्तिको शरीर समेत स्वस्थ रहने हुँदा   उक्त दिन रक्तदान कार्यक्रममा सहभागी भई रक्तदान गर्नको लागि सबैलाई  अनुरोध गरेका छन ।