नेचुरल साकोसले मिलायो शालीनदी मेलामा डिजिटल सहयोग गर्न सकिने व्यवस्था
कपन अनलाइन
काठमाडौं, माघ १६।हरेक वर्षको पौष शुक्ल पूर्णिमाका दिन देखि शुरु हुने हिन्दू धर्मावलम्बीको श्रीस्वस्थानी व्रतकथा तथा माधवनारायणको पूजा आराधना बिहिबार देखि शुरु भएको छ ।प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म एक महिनासम्म हरेक दिन घरघरमा स्वस्थानी कथा भन्ने र सुन्ने गरिन्छ । बिहिबार बाट काठमाडौंको साँखुमा शालीनदीमा स्वस्थानीको मेला सुरु भएको छ । कोभिड–१९ को महामारीका कारण मापदण्ड र कार्यविधि बनाएर मेला सञ्चालन गरेको हो ।श्री माधव नारायण स्वस्थानी व्रत तथा शालीनदी विकास समितिले यस वर्ष मेलामा आउने व्रतालु तथा भक्तजनहरुको लागि डिजिटल माध्यमबाट आर्थिक सहयोग गर्ने व्यवस्था मिलाएको छ । समितिले नेचुरल बचत तथा ऋण सहकारी संस्थाको सहकार्यमा डिजिटल सहयोगको व्यवस्था मिलाएको हो । साथै संस्थाले ३ महिनाकाे लागि बैँक ट्रान्सफर निशुल्क गरेकाे छ ।
समितिले नगदभन्दा डिजिटल माध्यमबाट सहयोग गर्न अनुरोध गरेको छ । नेचुरल बचत तथा ऋण सहकारी संस्थाले ईसेवासँग सहकार्य गरेर क्युआर कोड समितिलाई उपलब्ध गराएको हो । उक्त कोड स्क्यान गरेर नेपालको जुनसुकै बैंक तथा वित्तीय संस्था र सहकारीबाट समितिमा सहयोग गर्न सकिने छ ।नेचुरल सहकारीका प्रमुख कार्यकारी सञ्चालक विकल्प पाठकले समिति अध्यक्ष मिजेन्द्रकाजी श्रेष्ठलाई एक कार्यक्रमको बीच क्युआर कोड हस्तान्तरण गरेका थिए । त्यस्तै संस्थाले उक्त समितिलाई आर्थिक सहयोग समेत गरेको छ । कार्यक्रममा संस्थाका प्रशासन विभाग प्रमुख सृजना पण्डित, साँखु सेवा केन्द्र प्रमुख घनश्याम नेपाल, आईटी प्रमुख समिर बुढाथोकी लगायत ईसेवका प्रतिनिधिको उपस्थिती रहेको थियो । उक्त सेवा प्रयोग गर्दा कुनै पनि अतिरिक्त शुल्क नलाग्ने संस्थाका प्रमुख कार्यकारी सञ्चालक विकल्प पाठकले जानकारी गराए ।
सौजन्य : लावन्य संदेश
