वाई वाई नेपाल स्टार फाइनलिष्ट सुरेश लामालाइ आर्थिक सहयोग जुट्ने क्रम जारी

कपन अनलाइन 

काठमाडौं माघ १६। सिङ्गिङ रियालिटी शो वाई वाई नेपाल स्टार सिजन १ का  उपाधिका दावेदार काठमाडौं  गोकर्णेश्वर नगरपालिका वडा नं ३ तारेभिरका सुरेश लामा  फाइनलमा प्रवेश गरे संगै उनलाई जिताउन  बिभिन्न  अभियानहरु गरिदै आएको छ ।सो अभियान मार्फत आर्थिक सहयोग गर्नेहरु पनि दिन दिनै बढ्दै  गइरहेका छन। सुरेश लामा जिताऔं अभियान अन्तर्गत भएको बिभिन्न सांगेतिक कार्यक्रममा पनि सहयोग गर्ने ब्यक्ति थपिदै गएका हुन ।सुन्ताखानमा बुधबार सांगेतिक कार्यक्रमबाट लामालाई सहयोग स्वरुप २५०००० ( दुई लाख पचास हजार रुपैयाँ ) संकलन भएको   कार्यक्रम संयोजक जयराम बिष्टले जानकारी गराएका छन् । उनलाई व्यक्तिगत रुपमा पनि सहयोग  गर्नेहरु थपिदै गएका छन् ।

यसै बीच अमेरिकामा रहेको मल्टीनेसनल कम्पनि स्मार्ट टेक ले समत नगर रु दशहजार प्रदान गरेको छ भने श्री बौद्धनाथ क्षेत्र बिकस समिति, बौद्ध तमांग कल्याण गुठी, बाट रु एक लाख पैतिस हजार सहायोग गरिएको छ। त्यस्तै गोकर्णेश्वर नगरपालिकाका ९ वटै वडा बाट पनि सहयोग प्राप्त भएको छ । त्यस्तै सुरेश जिताउ अभियानका सदस्य हरिबोल बिष्ट र जयराम बिष्टको सक्रियतामा हाल अमेरिका निवासी दिनेश बिष्टको पहलमा करिब २ लाख रुपैया सहयोग प्रदान गरिएको छ ।

बिहिबार सुरेश लामा जिताउ अभियान अन्तर्गत बुढानिलकण्ठ मा समेत सांगेतिक कार्यक्रम आयोजना गरिएको थियो  ।‘हामी नेपाली,  हाम्रो आवाज’ भन्ने नारा रहेको नेपाल स्टारको ‘वाई वाई’ चाउचाउले मुख्य प्रायोजन गरेको अनि नेपाल टेलिभिजनमा रियालिटी सो का रुपमा प्रस्तुत सो कार्यक्रममा  गोकर्णेश्वर नगरपालिका ३ का सुरेश लामालाइ    जिताउन उनका फ्यानहरुले फेसबुक पेजमार्फत प्रचार प्रसार गरिरहेका छन् ।

त्यति मात्र नभएर सुरेशले  बिभिन्न  स्थानमा सांगेतिक कार्यक्रम मार्फत पनि भोट अपिल गरिरहेका छन ।सुरेश लामालाई भोट गर्न मोवाइलको म्यासेज बक्समा NS18 लेखेर 33001  मा पठाउन सकिनेछ  । साथै Nepal Television को एप्लिकेसन डाउनलोड गरेर पनि भोट गर्न सकिनेछ । भोटिंग माघ १७ गते साँझ ६ बजे  सम्म गर्न सकिनेछ । लामा काठमाडौंका एक मात्र प्रतिस्पर्धी हुन् वाई वाई नेपाल स्टारका