कपन ह्यान्डबल मैदानमा नेपाली कांग्रेस काठमाडौं क्षेत्र -४ (२ ) को विरोध सभा

कपन अनलाइन

काठमाडौं ,पुस २६।

कपन ह्यान्डबल मैदानमा नेपाली कांग्रेस काठमाडौं क्षेत्र -४ (२ ) को विरोध सभा सम्पन्न भएको छ। नेपाली कांग्रेसका केन्द्रीय सदस्य गगन कुमार थापाको प्रमुख आतिथ्यतामा भएको सो विरोध सभामा विघठित प्रतिनिधि सभा सदस्य दिव्यमणि राज भण्डारी , बागमती प्रदेस सभा सदस्य न्युछे नारायण श्रेष्ठ,क्षेत्रीय सभापति राजु श्रेष्ठ ,बागमती प्रदेस सभा सदस्य राधा घले ,नेपाल विद्यार्थी संघका महामन्त्री मनोज बैध लगायतको उपस्थिति रहेको थियो।

बुढानिलकण्ठ नगरपालिकाका ८ वटा वडा रहेको काठमाडौं क्षेत्र -४ (२ ) का विभिन्न वडा बाट र्याली सहित आएको जुलुस ह्यान्ड बल मैदानमा आयोजना गरिएको सभामा परिणत भएको प्रदेस क्षेत्रका सभापति बिनोद चालिसेले जानकारी दिएका छन।

उक्त सभाका वक्ताहरुले संसद विघटनले सृजना गरेको परिस्थिति र नेपाली कांग्रेसका नेता कार्यकर्ताले खेल्नुपर्ने भूमिकाका वारेमा आफ्नो धारणा राखेका थिए।