लायन्स क्लब अफ काठमाडौं नेचरको आयोजनामा क्लबको चार्टर डे कार्यक्रम सम्पन्न
कपन अनलाइन
काठमाडौं ,पुस ४।
लायन्स क्लब अफ काठमाडौं नेचरको आयोजनामा क्लबको चार्टर डे तथा डिस्ट्रिक गर्भनर क्लब भिजिट कार्यक्रम क्लबका संस्थापक अध्यक्ष लायन सुजना जोशीको सभाध्यक्षतामा बानेश्वरमा सम्पन्न भएको छ।
सो कार्यक्रममा प्रमुख अतिथि लायन्स क्लब इन्टरनेसनल ३२५ बि १ का डिस्ट्रिक गर्भनर लायन मन बहादुर रोकाले चार्टर डेका उपलक्ष्यमा क्लबलाई शुभकामना सहित क्लबको उत्तरोत्तर प्रगतिको कामना गर्दै अझै अगाडि बढ्नुपर्नेमा जोड दिएका थिए ।
त्यस्तै बिशेष अतिथि लायन राजन लम्साल , लायन इन्दु लम्साल, लायन महेन्द्र पौडेलले कार्यक्रममा शुभकामना मन्तव्य राखेको कार्यक्रममा लायन उदय नेपाल, लायन सरस्वती गौतम ज्ञवाली, लायन बिष्णु कंडेल, लायन जमुना पौडेल, रिता खनाल लगायत क्लबका सदस्यहरुको सहभागिता रहेको थियो ।
उक्त कार्यक्रममा क्लबका अध्यक्ष सुजना जोशीले कार्यप्रगति बिबरण प्रस्तुत गरेकी थिइन् भने धन्यवाद ज्ञापन क्लबका प्रथम उपाध्यक्ष रन्जु जोशी र कार्यक्रम संचालन दोश्रो उपाध्यक्ष लायन पंचिमाया शाक्यले गरेका थिए।
