चोरीको मोटरसाइकल सहित कपनका तिन जना पक्राउ
कपन अनलाइन
काठमाडौं ,मंसिर २९।
चोरीको मोटरसाइकल सहित कपनका तिन जना पक्राउ परेका छन। २०७६।माघ १० गते नैकाप काठमाडौंबाट बा ९४ प ४४६९ नम्बरको
मोटरसाईकल हराएको भनि जिल्ला काठमाडौं चन्द्रागिरी नगरपालिका वडा नं.१३ वस्ने पुर्ण राउतले महानगरीय ट्राफिक महशाखामा हुलिया सहितको निवेदन दिएकोमा महाशाखाबाट सादा पोशाकको प्रहरीले नयाँबसपार्क सडक खण्डमा चेक जाँच गर्ने क्रममा नम्बर प्लेट परिवर्तन गरि चलाएको पल्सर १५० सिसिको बा ८९ प १७७६ नम्बरको मोटरसाईकल र उक्त मोटरसाईकलको वास्तविकनम्बर बा ९४ प ४४६९ रहेको हुदाँ मोटरसाईकल सहित जिल्ला सिन्धुली हरिहरपुरगढि गाँउपालिका वडा नं ६ क्यानखोला घर भई हाल जिल्ला काठमाडौ कपन बस्ने वर्ष २१ को प्रकाश तामाङ, जिल्ला सिन्धुली तिनपाटन गाँउपालिका वडा नं ५ भिमस्थान घर भई हाल जिल्ला काठमाडौ कपन बस्ने वर्ष ३२ को अम्मर
तामाङ र जिल्ला सिन्धुपाल्चोक बाह्रबिसे नगरपालिका वडा नं ८ घर भई हाल जिल्ला काठमाडौ कपन बस्ने वर्ष २० को सुरेश तामाङलाई पक्राउ गरिएको हो।
पक्राउ परेका उनीहरुलाई थप अनुसन्धान एवं आवश्यक कारवाहीको लागि महानगरीय प्रहरी बृत्त थानकोट काठमाडौं पठाएको छ ।
