भैरबनाथ आधारभूत बिध्यालय चन्द्रागिरी १०लाइ स्वास्थ्य सुरक्षाका सामग्री प्रदान

कपन अनलाइन

काठमाडौं असोज २१  ।चन्द्रागिरी नगरपालिका वडा नं १० मा रहेको भैरबनाथ आधारभूत बिध्यालयलाइ स्वास्थ्य सुरक्षाका सामग्री मंगलबार उपलब्ध गराइएको छ। विश्व ब्यापी रुपमा फैलिएको कोरोना भाइरस संक्रमणको जोखिम न्यूनीकरण गर्नको लागि उक्त बिद्यालयलाइ थर्मल गन, मास्क, सावुन, सेनिटाइजर लगायतका स्वास्थ्य सामग्री एक कार्यक्रमका बीच लायन्स क्लव अफ चन्द्रागिरी मण्डलाका अध्यक्ष देबन्द्र प्रधानले बिध्यालयकि प्रधानाध्यापक सीता थापालाई हस्तान्तरण गरेका हुन्।

 बिद्यालयकी  प्रधानाध्यापक थापाले कोभिडको महामारीका बीच पनि चन्द्रागिरीमा समाजसेवीहरुको भूमिका प्रशंसनिय रहेको बताँउदै स्वास्थ्य सामग्री उपलब्ध गराएकोमा आभार ब्यक्त गरेकी थिइन्। उक्त सामग्री समाजसेवीहरु रामनारायण घिमिरे र माधव अधिकारीको पनि समन्वयमा उपलब्ध गराइएको हो ।