शिक्षासेवी परशुराम पोखरेलको सम्झनामा अन्तरक्रिया सम्पन्न

कपन अनलाइन

काठमाडौं ,असोज १०।

शिक्षासेवी परशुराम पोखरेलको सम्झनामा अन्तरक्रिया सम्पन्न भएको छ । जुम प्रविधिको प्रयोग गर्दै भर्चुअल माध्यम बाट गरिएको उक्त  अन्तरक्रिया कार्यक्रमको प्रमुख अतिथि बागमती प्रदेसका प्रदेस सभा सदस्य न्युछे नारायण श्रेष्ठ रहेका थिए ।

परशुराम पोखरेल स्मृति प्रतिष्ठानले पोखरेलको ५५ औ जन्मजयन्तीको अवसरमा आयोजना गरेको उक्त अन्तरक्रिया कार्यक्रममा पशुपति बहुमुखी क्याम्पसका प्रमुख प्रयाग राज भट्टराई ,पुर्व क्याम्पस प्रमुख बिष्णु पन्त, त्रि ज्योति मावी विद्यालय व्यवस्थापन समितिका अध्यक्ष केशव प्रसाद दंगाल ,पोखरेलकी धर्म पत्नी तथा सो विद्यालय की पुर्व प्रधानाध्यापक रमा पोखरेल सहित विभिन्न व्यक्तित्वहरुको सहभागिता रहेको थियो।

सो अन्तरक्रिया कार्यक्रममा बोल्दै वक्ताहरुले पोखरेलले नेपालको शिक्षा क्षेत्रमा पुर्याएको योगदानका वारेमा चर्चा गरेका थिए । त्रि ज्योति मावीका प्रधानाध्यापक गणेश मिश्रले संचालन गरेको सो अन्तरक्रिया कार्यक्रमको अध्यक्षता प्रतिष्ठानका अध्यक्ष कोष हरि निरौलाले गरेका थिए ।