टोखा नगरपालिका वडा नं ५ मा थप ३ जनामा कोरोना संक्रमण

कपन अनलाइन

काठमाडौं भाद्र ७ । टोखा नगरपालिका वडा नं ५ मा एकै घरको तीन जना सहित ९ जनामा कोरोना संक्रमण भेटिएको छ । सो क्षेत्रमा पहिले पनि १ जनामा कोरोना संक्रमण भेटिएपछि उक्त क्षेत्र सिल गरि कन्ट्याक्ट ट्रेसिङको लागि स्वाव संकलन गरिएको थियो। सो समयमा पनि त्यस क्षेत्रमा एकै घरका ३ जनामा संक्रमण भेटिएको थियो ।

त्यसपछी उक्त क्षेत्रमा उच्च सतर्कता अपनाई पुनः दोस्रो पटक कन्ट्याक्ट ट्रेसिङको लागि १४ जनाको स्वाव संकलन गरिएको थियो। सोही कन्ट्याक्ट ट्रेसिङमा आज एकै घरका ३ जनासहित रिपोर्ट पोजेटिभ आएको छ । जसमा अहिलेसम्म टोखा नगरपालिका  वडा नं. ५ मा कोरोना संक्रमितको संख्या ९ पुगेको छ । पोजेटिभ आएकाहरुलाई नगर स्वास्थ्य साखाले टोखामा अवस्थित आइसोलेसनमा लैजाने तयारी गरेको छ ।