चम्पादेवी गाउँपालिका वडा नं १० निगाले भञ्ज्याङ्गका एक युवा लिखुमा बेपत्ता
कपन अनलाइन
काठमाडौं ,साउन २३।
चम्पादेवी गाउँपालिका वडा नं १० निगाले भञ्ज्याङ्गका एक युवालाई लिखु नदिले वगाउदा वेपत्ता भएका छन् । ओखलढुङ्गा जिल्लाको चम्पादेवी गाउँपालिका वडा नं १० साविकको रानीवन गाविस निगाले भञ्ज्याङका ३६ वर्षीय का रोहित कुमार ढुङ्गेललाई लिखु नदीले बगाएर बेपत्ता भएका हुन् ।
केहि दिन अगाडी आफ्नो बाबु सहित सिन्धुली गएका ढुङ्गेल बुधबार घर फर्कने क्रममा चम्पादेवी गाउँपालिका वडा नं. ३ स्थित सिल्खुको भर्याङ भन्ने ठाउँबाट लिखु नदीले बगाएर बेपत्ता बनाएको हो ।
बुधबार विहान ससुराली सिन्धुलीबाट गाई लिएर फर्कने क्रममा दिउँसो करिब साढे ११ बजेतिर लिखु नदीले बगाएको थियो ।
लिखुको किनारमा रहेको सिल्खुबेसीको भर्याङ भन्ने ठाउँमा हिँड्ने क्रममा चिप्लिएर लडेका ससुरालाई बचाउन जाँदा ढुंगेल नदीमा परेर बेपत्ता भएका हुन्।
ढुंगेल सँगै गएका उनका बुवा चन्द्रप्रसाद र सगै फर्किएका ससुरा भने शकुसल रहेका छन् ।
