सुर्यविनायक नगरपालिका वडा नं ८ मा पुष्पलाल स्मृति प्रतिष्ठान भक्तपुरको वृक्षारोपण
कपन अनलाइन
काठमाडौं ,साउन ११।
भक्तपुर जिल्लाको सुर्यविनायक नगर पालिका वडा न.८ सिपाडोलमा पुष्पलाल स्मृति प्रतिष्ठान भक्तपुरको आयोजनामा वृक्षारोपण गरिएको छ।नेपाल कम्युनिस्ट पार्टीका स्थायी कमिटि सदस्य सुरेन्द्र पाण्डेको प्रमुख आतिथ्यतामा भएको सो कार्यक्रममा विभिन्न प्रजातिका ४५० भन्दा बढी विरुवा रोपिएका थिए।
उक्त वृक्षारोपण कार्यक्रममा नेकपाका केन्द्रिय सदस्य तथा चाँगुनारायण नगरपालिकाका प्रमुख सोम मिश्र , बागमती प्रदेस सभा सदस्य राजेन्द्रमान श्रेष्ठ , नेकपाको जिल्ला कमिटी सचिव डिपी ढकाल लगाएर जिल्ला कमिटी सदस्यहरु, स्थानिय जनप्रतिनिधीहरु र नेकपाका नेता कार्यकर्ताहरूको उल्लेख्य उपस्थिती रहेको थियो ।
उक्त वृक्षिरोपण गरिएको स्थानमा पुष्पलाल स्मृति पार्क निर्माण गर्ने व्यबस्थापन समितीको संयोजक कविराम थापाले जानकारी दिएका छन जिल्ला समितीका अध्यक्ष ध्रुवराज बिष्टको अध्यक्षतामा भएको कार्यक्रम समितीका सचिव रजन के.सीले संचालन गरेका थिए।
सो स्थानको संरक्षण गर्दै पुष्पलाल स्मृति पार्क निर्माण गर्नका लागि प्रतिष्ठान सहयोग रहने बताउदै कार्यक्रममा उपस्थित सबैलाई धन्यवाद ज्ञापन गरिएको आयोजक समितिका सदस्य दिपक थापाले जानकारी दिएका छन ।
