सीतापाइलामा युवतीमाथि एसिड आक्रमण गर्ने २ जना पक्राउ

कपन अनलाइन

काठमाडौं ,साउन ९।

काठमाडौंको सीतापाइलामा युवतीमाथि एसिड आक्रमण गर्ने व्यक्ति पक्राउ परेका छन्।पक्राउ पर्नेमा रौतहट लक्ष्मीपुर घर भई हाल काठमाडौं महानगरपालिका डल्लु बस्ने मोहम्मद आलम र भारतीय नागरिक मुन्ना महम्मद छन्।

उनीहरुलाई महानगरीय प्रहरी अपराध महाशाखा  र महानगरीय प्रहरी परिसर काठमाडौंको संयुक्त टोलीले बिहीबार राति ११ बजे पक्राउ गरेको हो। युवतीले अर्कै केटा मन पराएको भन्दै उनीहरुले ट्वाइलेट सफा गर्ने एसिडले आक्रमण गरेको प्रहरीले जनाएको छ। किनमेलका लागि बाहिर निस्केका बेला ओखलढुंगा स्थायी ठेगाना भएकी २२ वर्षीया युवतिमाथि एसिड प्रहार भएको हो।