टोल टोलमा पुग्दै कागेश्वरी मनोहरा नगरपालिका प्रमुख

कपन अनलाइन  

काठमाडौँ श्रावण ६ । कागेश्वरी मनोहरा नगरपालिकाका प्रमुख कृष्णहरि थापाले टोल टोलमा पुगिरहेका छन।बर्षातको समेत परवाह नगरी उनि अहिले टोल टोलमा मेयर अभियान का साथ टोल टोलमा भए गरेका विकास निर्माणको निरीक्षणका साथै स्थानीय संग छलफलमा केन्द्रित भएका छन ।

 श्रावण १ गते देखि ९ गते सम्म प्रत्येक वडा टोल टोलमा पुग्ने कार्यक्रम अनुसार  श्रावण ५ गते सोमबार बिहान कागेश्वरी मनोहरा नगरपालिका वडा नं ५ का बिभिन्न टोल पुगेका हुन्  उप प्रमुख बिन्दु सिंखडा,   वडा  अध्यक्ष  एबम नगर प्रवक्ता समेत रहेका राजाराम पुडासैनी, र वडा सदस्यहरु सहित कागेश्वरी मनोहरा नगरपालिका वडा नं ५ का बिभिन्न स्थानमा भएका विकास निर्माणको निरीक्षण गर्नुको साथै स्थानीय संग भेटघाट छलफल गरेका थिए भने  स्थानीयवासीका गुनासाहरु समेत  सुनेका थिए ।

निर्वाचन दौरानमा प्रमुख थापाले जनता संग गरेको प्रतिबद्धतालाइ पुरा गर्नको लागि जनताको माझमा पुगेका हुन् । आफ्नो पांच बर्षे कार्यकालको दौरान तीन वर्ष सम्म नगरपालिकाको दीर्घकालीन योजना तथा प्रशासनिक नीतिगत र कानुनी पूर्वाधार निर्माण गर्न केन्द्रित भएका नगर प्रमुख जनताको माझमा पुगी भए गरेका काम प्रगती र आगमी दिनमा गर्न पर्ने योजनाको बारेमा समेत छलफल गरेका थिए। उक्त कार्यक्रममा नगरपालिका उप प्रमुख बिन्दु पुडासैनी सिंखडाको पनि उपस्थिति रहेको थियो । यस अघि उनले कागेश्वरी मनोहरा नगरपालिका वडा नं १ र २ , ४ का टोलमा भएका विकास निर्माणको स्थलगत अनुगमन गरेका थिए ।