आइतबार देशभर १ सय ५६ जना कोरोनाका संक्रमित थपिए
कपन अनलाइन
काठमाडौं ,साउन ४
आइतबार देशभर १ सय ५६ जना कोरोनाका संक्रमित थपिएका छन्।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार विगत २४ घण्टामा सो संख्याका संक्रमित थपिएका हुन्। यीसहित मुलुकभर हालसम्म १७ हजार ६ सय ५८ जना संक्रमित भएका छन्।
विगत २४ घण्टामा विभिन्न अस्पतालबाट ५८ जना कोरोनामुक्त भएका छन्। यीसहित हालसम्म ११ हजार ६ सय ९५ जना कोरोनाबाट निको भएका छन्।यो कुल संक्रमितको ६६ प्रतिशत हो। विगत २४ घण्टामा २७ प्रयोगशालाबाट ३ हजार ७ सय ४१ जनाको पिसिआर परीक्षण भएको मन्त्रालयले जनाएको छ। हालसम्म ३ लाख १५ हजार बढीको पिसिआर परीक्षण भएको छ।
त्यस्तै हालसम्म मृतक ४० जनामा काेराेना पुष्टि भएकाे छ।
तपाइँको प्रतिक्रिया ।
