धुम्बाराही हिमाल डेन्टल अस्पताल अगाडी दुर्घटना,प्रहरीका असईले ज्यान गुमाए
कपन अनलाइन
काठमाडौं ,साउन ४।
काठमाडौं महानगरपालिका धुम्बाराही हिमाल डेन्टल अस्पताल अगाडी शनिबार अपराह्न ५:२५ मा भएको दुर्घटनामा नेपाल प्रहरीका एक २९ वर्षीय प्रहरी सहायक निरीक्षक (असई ) ले ज्यान गुमाएका छन।
नेपाल प्रहरीका असई प्रेमराज पौडेल सवार बा ७४ प २८६१ नम्बरको पल्सर- १५० मोटरसाइकलले अगाडि गुडिरहेको प्रदेश ३, ०२००३ प ४१५० नम्बरको स्कुटीलाई ठक्कर दिएका थिए ।
उक्त स्कुटीसँग ठक्कर खाएर लडेपछि सडकमा छाति धसारिएपछि पौडेलको मुटुमा चोट लाग्दा घटनास्थलमै ज्यान गुमाएका हुन् ।मृतक पौडेल प्रहरी प्रधान कार्यालयको तालिम शाखामा कार्यरत थिए । २०७१ सालमा प्रहरीमा भर्ना भएका २९ वर्षीय उनी सुर्खेतका बासिन्दा हुन् ।
तपाइँको प्रतिक्रिया ।
