रहेनन शंखरापुर नगरपालिकाका शैक्षिक धरोहर शम्भुदास श्रेष्ठ

कपन अनलाइन

काठमाडौं असार २९। भाग्योदय मावि साँखुका पूर्व प्रधानाध्यापक एबम भाग्योदय क्याम्पस साँखुका प्रमुख शम्भुदास श्रेष्ठको निधन भएको छ।  पिता अमिर दास श्रेष्ठ र  माता भक्ति देबी श्रेष्ठ को कोखबाट २००० सालमा जन्मिएका उनि शंखरापुर नगरपालिका वडा नं ७ स्थित धुल्ला टोलमा बस्दै आएका थिए।  २०२१ साल देखि २०६२ साल सम्म भाग्योदय माबीको प्रधानाध्यापक भएर काम गरेका उनले २०५९ देखि भाग्योदय क्याम्पसका प्रमुखको रुपमा जिम्मेवारी बहन गर्दै आएका थिए ।

श्रेष्ठको २०७७ साल असार २७ गते निधन भएको हो।  श्रीमती सहित १ छोरा र ५ छोरिहरुको सन्तानको पिता समेत रहेका उनले    लामो समयदेखि शैक्षिक उन्नयनमा महत्वपूर्ण योगदान पुर्याउदै आएका थिए । भेगकै ज्येष्ठ सामुदायिक क्याम्पसको शैक्षिक नेतृत्व गरी शिक्षामा  अनवरत सेवा गर्दै आएका उनको नेपाल भाषा र साहित्यमा समेत रुची रहेको थियो । नेपाल भाषामा स्नातकोत्तर (एम ए) गरेका श्रेष्ठको निधन बाट शंखरापुर नगरपालिकाले एउटा शैक्षिक धरोहर गुमाएको छ ।