चिनको नाग्छु नगरपालिका बाट प्राप्त स्वास्थ्य सामाग्री टोखाका वडाहरुलाई हस्तान्तरण

कपन अनलाइन 

काठमाडौं ,असार २।

टोखा नगरपालिकाका लागि चिनको नाग्छु नगरपालिका बाट सहयोग प्राप्त स्वास्थ्य सामाग्री वडाहरुलाई वितरण गरिएको छ।कोरोना प्रकोप नियन्त्रण र रोकथाम अभियानमा सक्रिय रहेको टोखा नगरपालिकाका लागि प्राप्त मास्क, स्यानीटाईजर, ग्लोब्स लगायतका सामाग्रीहरु नगर प्रमुख प्रकास अधिकारीले वडा अध्यक्षहरुलाई हस्तान्तरण गरेका थिए।

चिनको नाग्छु नगरपालिका संग भगिनी सम्बन्ध स्थापित गर्ने  प्रक्रियामा रहेको टोखा नगरपालिकाको टोलीले केहि दिन पहिले तातोपानी नाकामा पुगेर ति सहयोग सामाग्री ग्रहण गरेको थियो।

नगर प्रमुख अधिकारी सहित उपप्रमुख ज्ञान माया डंगोल ,प्रमुख प्रसाशकीय अधिकृत प्रदिप पौडेल ,वडा अध्यक्षहरु लगायतको उपस्थितिमा प्रत्येक वडाहरुलाई ति सामाग्री प्रदान गरिएको थियो।