त्रिशक्ति युवा क्लव हाँडीगाउँको आकस्मिक रक्तदान कार्यक्रम सम्पन्न
कपन अनलाइन
काठमाडौं ,बैशाख २५ ।
त्रिशक्ति युवा क्लव काठमाडौं महानगरपालिका वडा नं वडा नं ५ हाँडीगाउँको आयोजनमा आकस्मिक रक्तदान कार्यक्रम सम्पन्न भएको छ।
नेपाल रेडक्रस सोसाइटी सँगको सहकार्यमा बिहीबार क्लब प्राङ्गणमा भएको आकस्मिक रक्तदान कार्यक्रममा ५६ जनाले रक्तदान गरेका छन् । त्रिशक्ति युवा क्लवको वार्षिकोत्सव तथा २५६४ औ बुद्ध जयन्तीको अवसरमा गरिएको रक्तदानमा स्थानीयवासी, युवा, समाजसेवी, बुद्धिजीवी लगायत उपस्थित रहेको क्लबका अध्यक्ष बालकृष्ण खड्गीले जानकारी दिएका छन।
लकडाउनको अवस्था र कोरोना सक्रमणको जोखिमलाई मध्यनजर गर्दै सामाजिक दुरी कायम गर्दै गरिएको रक्तदान कार्यक्रममा नेपाल कम्युनिस्ट पार्टी (नेकपा) का केन्द्रीय सदस्य तथा प्रदेश सांसद नारायण सिलवालले ल रक्तदान जस्तो पुण्य कार्य गरेकोमा प्रसन्नता व्यक्त गरेका थिए भने रक्तदान भन्दा ठुलो अरू दान हुन नसक्ने भन्दै यस्ता रचनात्मक कार्यहरू सबै ठाउँमा गर्नुपर्ने धारणा राखेका थिए।
सो रक्तदान कार्यक्रममा वडा नं ५ का अध्यक्ष रमेश डंगोल लगायत स्थानीय समाजसेवी ,क्लवका सदस्यहरु तथा स्वयंसेवकहरुको सहभागिता रहेको थियो।
