बुढानिलकण्ठ -१३ को चुनिखेल जात्राको पुजा रोकिने छैन : श्रीकृष्ण श्रेष्ठ (अध्यक्ष )

कपन अनलाइन 

काठमाडौं ,बैशाख १६।

बुढानिलकण्ठ नगरपालिका वडा नं १३ का अध्यक्ष श्रीकृष्ण श्रेष्ठले  चुनिखेलमा चल्दै आएको जात्राहरुमा यस पटक पुजा मात्र गरिने बताएका छन। त्यस स्थानमा हुने जात्रा हरुमा यस पटक कुनै भिडभाड नगरिने जानकारी दिदै श्रेष्ठले गुठियारहरु संग छलफल गरि बाजा ,सिन्दुर जात्रा तथा भोज नगरी पुजा मात्र गरिने जानकारी दिएका छन।

बुढानिलकण्ठ नगरपालिका वडा नं १३ मा हाल सम्म ९५२  जनालाई राहत वितरण गरिएको जानकारी दिदै अध्यक्ष श्रेष्ठले ८ जना नागरिकको RDT परिक्षण गरिएको बताए।

वडाको नयावस्ती ,गाम्चा ,नौलिन मावी जस्ता स्थानमा राहत वितरण गरिएको छ भने वडाले आपातकालीन सेवाको लागि पनि एम्बुलेन्स तथा सवारी साधनको व्यवस्था गरिएको अध्यक्ष श्रेष्ठले बताए।

लकडाउन   पालना तथा राहत वितरणका लागि ६७ जना स्वयंसेवक परिचालन गरिएको जानकारी दिदै अध्यक्ष श्रेष्ठले खेतीपातीका लागि बिउ बिजन वडाका कृषि सहकारी मार्फत वितरण गरिएको बताएका छन।

गहु कुट्न थ्रेसर मेसिन व्यवस्था गरेको जानकारी दिदै अध्यक्ष श्रेष्ठले कुनैपनि आपतकालीन सेवा आवस्यक भएमा वडा कार्यालयमा सम्पर्क गर्नका लागि अनुरोध गरेका छन।