चम्पादेवी गाउँपालिका वडा नं ७ लाई समाजसेवी कृष्ण बहादुर थापाको सहयोग

कपन अनलाइन

ओखलढुंगा,बैशाख १०।

चम्पादेवी गाउँपालिका वडा नं ७ को कार्यालय र स्वास्थ्य इकाईलाई वडा निवासी समाजसेवी कृष्ण बहादुर थापाले विभिन्न सामाग्री सहयोग गरेका छन।

समाजसेवी थापाले १ थान थर्मल गन ,५ थान PPE सेट, माक्स ५०० पिस , मेडिकल ग्लभस २००० पिस , सेनिटाइटर ४५० पिस , चामल ३० बोरा, नुन २०० प्याकेट , तेल ३५० प्याकेट वडा अध्यक्ष सुरेस थापालाई हस्तान्तरण गरेका थिए।

सहयोग ग्रहण गर्दै वडा अध्यक्ष थापाले कोरोना प्रकोप नियन्त्रण तथा रोकथामका लागि सहयोग गरेकोमा थापालाई धन्यवाद दिदै सबै वडा वासीलाई सहयोगका लागि आग्रह गरेका छन।