थप एकजनामा कोरोना संक्रमण, संक्रमितको सङ्ख्या ६ पुग्यो

कपन अनलाइन

काठमाडौं ,चैत २०।

नेपालमा कोरोना सङ्क्रमितको सङ्ख्या ६ पुगेको छ । दोहाबाट काठमाडौँको विमानमा यात्रा गरेका अर्का एकजना नेपालीमा पनि नोबेल कोरोना भएको पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा विकास देवकोटाले जानकारी दिए  । यसअघि पनि दोहाबाट काठमाडौँको जहाजमा यात्रा गरेकाहरुलाई कोरोना भएको पुष्टि भएको थियो ।

स्वास्थ्य मन्त्रालयको नियमित पत्रकार सम्मेलनमा आज दिउँसो प्रवक्ता देवकोटाले नेपालमा कोभिड १९ सङ्क्रमितको सङ्ख्या ६ पुगेको जानकारी दिए  ।

कोभिड १९ का अर्का सङ्क्रमित भेटिएको जानकारी दिए पनि कहाँका र कुन उमेर समूहका व्यक्तिमा देखियो भन्ने विस्तृत विववरण सङ्कलनको काम भइरहेको उनले बताए  ।