गोकर्णेश्वर नगरपालिकामा रास्ट्रपति रनिङ शिल्ड प्रतियोगिता शुरु
कपन अनलाइन
काठमाडौं , फागुन ११।
रास्ट्रपति रनिंग शिल्ड प्रतियोगिता आज बाट सुरु
गोकर्णेश्वर नगरपालिकामा दोस्रो रास्ट्रपति रनिंग शिल्ड खेलकुद प्रतियोगिता आजबाट सुरु भएको छ ।
नगरपालिका भित्र रहेका संस्थागत एवम सामुदायिक स्कुलहरु मध्य ४१ वटा स्कुलले सहभागिता जनाएको प्रतियोगिताको आज एक समारोह बीच पूर्व मन्त्रि सुश्री अम्बिका बस्नेत र गोकर्णेश्वर नगरपालिकाका मेयर सन्तोष चालिसेले आज एक कार्यक्रम बीच संयुक्त रुपमा उद्घाटन गरे ।
नगरपालिकाको वडा नम्बर २ मा अबस्थित बालसुधार माबीको प्रांगणमा भएको उद्घाटन समारोहमा नपा का वडा अध्यक्षहरु , जनप्रतिनिधिहरु , सहभागी बिद्यालयका प्रधानाचार्य, बिधार्थी, शैक्षिक संस्थाका प्रमुखहरु , नगरपालिकाका शिक्षा एवम खेलकुद साखाका प्रमुख लगायत स्थानीयको उपस्थिति थियो ।
प्रतियोगितामा छात्र तथा छात्रा तर्फ मार्सल आर्टका र एथलेटिक्सका सम्पूर्ण खेलहरु, भलिबल र कबड्डी खेल समाबेस गरिएको छ ।
उद्घाटन , समापन र भलिबलका खेलहरु बाल सुधार माबी मा, एथलेटिक्सका सम्पूर्ण खेलहरु ओख्रेनी माबी मा , मार्सल आर्ट्सका सम्पूर्ण खेलहरु शंखडोल कबर्ड हलमा र कबड्डीका खेलहरु नेपालय पब्लिक स्कुलमा खेलाइने छ ।
आज भएको छात्र तर्फको भलिबलको उद्घाटन खेलमा अरुणोदय माबी ले ब्राइट जोन इन्टरनेसनल स्कुललाई २५-१० , २४-२६ र १५-९ को सेटमा हराएको छ ।
प्रतियोगिता फाल्गुन १५ गते सम्म चल्ने छ।
