घुम्ती कविगोष्ठी नेपालको ८८ औँ शृङ्खला सम्पन्न

कपन अनलाइन

काठमाडौं ,फागुन ११।  घुम्ती कविगोष्ठी नेपालको ८८ औँ शृङ्खला सम्पन्न भएको छ।

वरिष्ठ साहित्यकार शीतल गिरीको संयोजकत्वमा उनकै निवास काठमाडौँको काँडाघारीस्थित मनमती मार्गमा सम्पन्न भएको हो।

संयोजककै सभापतित्वमा सम्पन्न यस कविता गोष्ठीमा प्रमुख अतिथि वरिष्ठ साहित्यकार डिल्लीराज अर्याल थिए भने अतिथिहरूमा डा. शेषराज आचार्य, प्रकाशमणि दहाल, कपनबानेश्वर साहित्यिक साप्ताहिक पत्रिकाका सम्पादक निबन्ध आचार्य, त्रिलोचन आचार्य, आजको खबर र आजको साहित्यका सञ्चालक पत्रकार डिल्लीरमण सुवेदी र घुम्ती कविगोष्ठीका अध्यक्ष परशुराम पराशर रहेका थिए ।

बिहान ८ बजेबाट सुरुभएको उक्त कार्यक्रममा कविता, गीत, गजल र मुक्तक वाचन भएका थिए । रचना वाचन गर्नेहरूमा मिसन अधिकारी, शारदा पराजुली, घनश्याम प्रसाईं, माधवलाल श्रेष्ठ, प्रकाशमणि दहाल, त्रिलोचन आचार्य, डा. शेषराज आचार्य, परशुराम पराशर, रामकुमार पण्डित, डिल्लीराज अर्याल र शीतल गिरी रहेका थिए ।

घुम्ती कविगोष्ठीका उपाध्यक्ष रामकुमार पण्डितले सञ्चालन गरेका उक्त कार्यक्रममा वाचित रचनाहरूको समीक्षा प्रमुख अतिथि डिल्लीराज अर्यालले गरेका थिए भने धन्यावाद परशुराम पराशरले दिएका थिए ।