नयाँपाटी फुटबल क्लब गोकर्णेश्वर युवा जागरण क्लब द्वारा आयोजित प्रथम उप मेयर कप सेभेन ए साइड फुटबल प्रतियोगिताको फाइनलमा प्रवेश

कपन अनलाइन

काठमाडौं, माघ २०। गोकर्णेश्वर नगरपालिका वडा नं ४ मा रहेको गोकर्णेश्वर युवा जागरण क्लब द्वारा आयोजित  प्रथम उप मेयरकप सेभेन ए साइड फुटबल प्रतियोगिताको चौथो दिन मंगलबार सेमिफाइनलको खेल सम्पन्न भएको छ ।

युवालाई दुर्व्यसन तर्फ लाग्न नदिई खेलकुद तर्फ आकर्षित गर्ने  र नगर भित्र रेहेका फुटबल खेलाडिहरुको प्रवर्द्धन गर्दै राष्ट्रिय तथा अन्तराष्ट्रिय फुटबल  खेलाडी उत्पादन गर्न सहयोग पुगोस भन्ने  उदेश्यका साथ आयोजना गरिएको सो प्रतियोगिता गोकर्णेश्वर नगरपालिका वडा नं ४ उत्तरबाहिनि नजिक रहेको च्यासीडोल खेल मैदान मा जारी रहेको छ।

आज मंगलबार भएको पहिलो सेमिफाइनल खेल नयांपाटी फुटबल क्लब बि र गोकर्ण फुटबल ग्रुप ए बीच भएको थियो  उक्त खेलमा नयांपाटी फुटबल क्लबले गोकर्ण फुटबल क्लबलाई ट्राइबेकरमा २-१ गोल अन्तरले पराजित गर्दै फाइनल को यात्रा तय गरेको छ। निकै नै प्रतिष्पर्धात्मक रहेको सो खेल शुरु भएको  १० मिनेटमा गोकर्ण फुटबल ग्रुप ए का जर्सी नं ५का खेलाडी बिक्रम आले ले गोल गर्दै टिमलाई  अग्रता दिलाएका थिए तर त्यो अग्रता धेरै बेर कायम रहन सकेन।

 एक गोल ले पछि परेको नयाँ पाटी फुटबल क्लब बि का जर्सी नं३९का समिरले आकर्षक गोल गर्दै खेललाइ १-१को बराबरी मा ल्याए। निर्धारित समय सम्म पनि खेल बराबरीमा नै सकिए पश्चात रेफ्री प्रदिप लामा र कुमार खड्काले पेनाल्टी शुट आउट मार्फत निर्णय लिएका थिए।  पेनाल्टी शुट आउटमा नयाँपाटी फुटबल कलब बि का गोल रक्षक अमितले गोकर्ण फुटबल ग्रुप ए का जर्सी नं ५ का खेलाडी बिक्रम आले र जर्सी नं ७ का खेलाडी लक्ष्मण गुरुंगले प्रहार गरेको पेनाल्टी रोकीदिंदा नयाँ पाटी फुटबल ग्रुप बि बिजयी हुदै फाइनलको यात्रा तय गरेका हुन ।

 कुल ८ वटा टिमले सहभागिता जनाएको सो प्रतियोगिता माघ २५ गते सम्म चल्नेछ ।प्रतियोगितामा प्रथम र दितीय हुने टिमले क्रमश नगद पुरस्कार रु ४० हजार र २० हजार सहित ट्रफी र मेडल प्राप्त गर्ने आयोजकले जनाएको छ।