सुकेधाराबाट दुई जना नक्कली प्रशिक्षार्थी पक्राउ
कपन अनलाइन
काठमाडौँ,पुस १८। नक्कली कागजात बनाई सवारी चालक अनुमति पत्रको (ट्रायल)प्रयोगात्मक परिक्षा दिएका दुई जना नक्कली प्रशिक्षार्थीहरू पक्राउ परेका छन्।
पक्राउ पर्नेमा मकवानपुर जिल्ला सुकौरा घर भई हाल जिल्ला काठमाण्डौ गोर्कर्णश्वर नगरपालिका वडा नं-२ बस्ने बर्ष २७ को मान बहादुर ब्लोन र कागजात बनाउने व्यक्ति ललितपुर महानगरपालिका वडा नं – १५ सातदोबाटो घर भई हाल गोर्कर्णश्वर नगरपालिका वडा नं-२ बस्ने सरोज शाही रहेका छन।
उनीहरुलाई काठमाडौ उपत्यकास्थित विभिन्न यातायात व्यबस्था कार्यालयबाट जारी गरिने सवारी चालक अनुमति पत्रको लागि लिईने प्रयोगात्मक परिक्षाहरूमा नक्कली प्रशिक्षार्थीहरूले परिक्षादिने गरेको भन्ने बिशेष सूचनाका आधारमा यस महाशाखाबाट खटिएको टोलीले मिति २०७६ पुस १७ गते बुधबार यातायात व्यबस्था कार्यालय सुकेधाराद्धारा संचालित सवारी चालक अनुमति पत्रको प्रयोगात्मक परिक्षा लिने स्थान जिल्ला काठमाण्डौ नेपाल ड्राईभिङ सेन्टर सुकेधारामा नक्कली नेपाली नागरिकता बनाई फरक व्यक्तिहरुले ट्रायल परिक्षा दिदै गरेको अवस्थामा पक्राउ गरेको हो।
उनीहरुको साथबाट उनीहरुबाट अर्काको फोटो टाँसेर प्रयोग गरिएको नागरिकता २ थान, यातायात व्यवस्था विभागबाट परीक्षकका लागि दिइएको निवेदन २ थान गरेको छ।
