नेकपाका नेता हिमाल शर्मालाई टोखामा चाकु सहित स्वागत

कपन अनलाइन

काठमाडौँ,पुस ९ ।टोखा चाकु संरक्षण समाजले सत्तारुढ नेकपाका काठमाडौं जिल्ला सचिव हिमाल शर्मालाई सांस्कृतिक संरक्षित क्षेत्र टोखाको प्रसिद्ध चाकुको स्वाद दिएर स्वागत गरेको छ।

टोखा नगरपालिका वडा नम्बर ३ स्तरीय कार्यकर्ता भेलामा प्रमुख अतिथिका रुपमा आएका  शर्मालाई टोखा परम्परागत टोखा चाकु संरक्षण समाजले चाकु उपहार सहित स्वागत गरेको हो । समाजका तर्फबाट अध्यक्ष कृष्ण बहादुर श्रेष्ठले उनलाई चाकु उपहार प्रदान गरेको हो ।

हरिकृष्ण श्रेष्ठको सभापतित्वमा सम्पन्न कार्यक्रममा नेकपा प्रदेश कमिटी सदस्य कल्पना शर्मा, नगर प्रमुख प्रकाश अधिकारी, उपप्रमुख ज्ञानमाया डंगोल, जिल्ला सदस्य मनिराज डंगोल लगायतको उपस्थिति रहेको थियो ।