नवोदय बहुउदेस्यीय सहकारी संस्थाको १२ औ साधारण सभा सम्पन्न
कपन अनलाइन
काठमाडौँ ,पौष ७ ।
नवोदय बहुउदेस्यीय सहकारी संस्था बुढानिलकण्ठ – १२ को १२ औ साधारण सभा सम्पन्न भएको छ ।
नेपाल कम्युनिस्ट पार्टीका केन्द्रिय सदस्य तथा प्रधानमन्त्रीका विदेस मामिला सल्लाहकार डा. राजन भट्टराईको प्रमुख आतिथ्यतामा भएको साधारण सभामा संस्थाका अध्यक्ष राजन आचार्यले आर्थिक बर्ष २०७६/०७७ को प्रगति प्रतिवेदन प्रस्तुत गरेका थिए।
काठमाडौँ महानगरपालिका वडा नं ४ को सुर्य क्याटरिङमा भएको साधारण सभामा संस्थाका कोषाध्यक्ष बिष्णु भट्टराईले आर्थिक प्रतिवेदन प्रस्तुत गरेका थिए भने लेखा समितिका संयोजक गणेश प्रसाद भट्टराईले लेखा समितिको प्रतिवेदन प्रस्तुत गरेका थिए ।
उक्त साधारण सभामा बुढानिलकण्ठ नगरपालिका वडा नं १२ का अध्यक्ष शम्भु भट्टराई ,विभिन्न सहकारी संस्थाका प्रतिनिधि तथा शेयर सद्स्स्यहरुको उपस्थिति रहेको थियो।
सो साधारण सभामा बोल्दै प्रमुख अतिथि डा .भट्टराईले सहकारी आन्दोलनले नेपालको अर्थतन्त्रमा महत्वपूर्ण भूमिका निर्वाह गरेको भन्दै सहकारी संस्थाहरुले सामाजिक उत्तरदायित्व बहन गर्नुपर्ने धारणा राखेका थिए।
