चन्द्रागिरी नगरपालिका–११ सतुङ्गलमा रहेको गौरीशकंर पेन्टसमा आगलागी

कपन अनलाइन

 काठमाडौं,मंगसिर २९ ।चन्द्रागिरी नगरपालिका–११ सतुङ्गलमा रहेको गौरीशकंर पेन्टसमा आगलागी भएको छ । करेन्ट सर्ट भएर सतुङ्गलमा रहेको गौरीशकंर पेन्टसको कारखानामा आगलागी भएको हो ।महानगरीय प्रहरी बृत्त थानकोटका प्रहरी प्रमुख कुमार विक्रम थापाले गौरीशकंर पेन्टसमा आगोलागी भएपछि प्रहरी परिचालन गरी आगो नियन्त्रणमा लिइएको बताए ।

आगलगीबाट कारखानामा रहेको रङ्ग बनाउने मेशिन, केमिकल, कारखानाको मेशिन, कागजपत्रलगायतका सामान जलेर नष्ट भएको छ। चन्द्रागिरिका नगर प्रवक्ता  हरिभक्त महर्जनले प्रहरीहरूको सकृयता र नगरपालिकाको  साथ र सहयोगका कारण ठुलो क्षेति हुन नपाएको बताए ।कारखानामा लागेको आगलागी काठमाडौं महानगरपालिकाको बारुणयन्त्र, स्थानीय सहित प्रहरीको सहयोगमा आगो नियन्त्रण लिइएको महानगरीय प्रहरी बृत्त थानकोटले जनाएको छ ।आगलागी वाट के कति क्षति भयो भन्ने  एकिन विवरण आउन बाँकी  रहेको  छ ।

फोटो : सी न्युज