बुढानिलकण्ठ नगरपालिकाको भवन उद्घाटन
कपन अनलाइन
काठमाडौं ,मंसिर १६। बुढानिलकण्ठ नगरपालिकाको नब- निर्मित प्रशासनिक भवनको उद्घाटन कार्यक्रम सम्पन्न भएको छ।
नगर स्थापना दिवसको अबसर पारेर उपप्रधानमन्त्री एबं रक्षा मन्त्री ईश्वर पोख्रेलको प्रमुख आतिथ्यमा सो भवनको उद्घाटन कार्यक्रम सम्पन्न भएको हो।
उक्त कार्यक्रममा अतिथिकोको रुपमा प्रदेश सभा सदस्यहरु दिपक निरौला, कुसुमकुमार कार्की, न्हुच्छे नारायण श्रेष्ठ, भीमसेन खत्री, काठमाडौं महानगरका मेयर बिद्या सुन्दर शाक्य, प्रमुख प्रशासकीय अधिकृत कुमार कोइराला, पुर्व प्रमुख प्रशासकीय अधिकृत बिश्वराज मरासिनी, प्रदिप पौडेल लगायतका नगरपालिकाका वडा अध्यक्षहरुको उपस्थिति रहेको थियो।
विसं २०७३ मङ्सिर १६ गते शिलान्यास गरिएको नवनिर्मित २२३२.९२ वर्गमिटरमा फैलिएको छ । नगरको वडा न–८ हात्तीगौंडामा अवस्थित भवनको कूललागत १० करोड नौ लाख ४३ हजार छ ।
उक्त भवनमा नगर प्रमुख र उपप्रमुखको सचिवालय तथा कार्यकक्ष, प्रमुख प्रशासकीय अधिकृत लगायत प्रशासन, आर्थिक प्रशासन, पूर्वाधार विकास, घर नक्शा, राजस्व, शिक्षा तथा खेलकुद, कृषि,महिला तथा बालबालिका,जनस्वास्थ्य,सहकारी, आन्तरिक लेखा परिक्षण.वातावरण तथा विपद ब्यबस्थापन,नगर प्रहरी लगायतका शाखाहरु रहेका छन।
